♥♥ ♥♥ ♥♥
بدور أوصيك/26/5/208
تأليف/إبراهيم محمد زبرماوي
♥♥ ♥♥ ♥♥

(1)بدور أوصيكا وصية جميلة
قبل ما الدنيا تبشتن بيك


♥♥ ♥♥ ♥♥

(2)أوعا تخاصم بكرة بتندم
خلي الناس عايشين حوليك


♥♥ ♥♥ ♥♥

(3)أحمد ربك وحاتو يزيدك
أوعك تنسى تطيع والديك


♥♥ ♥♥ ♥♥

(4)طبع الزول القاسي يجافي
قصدو يشوف دمعات عينيك


♥♥ ♥♥ ♥♥

(5)بدور أوصيك في الخوة الغالية
عز الزول الحنو عليك


♥♥ ♥♥ ♥♥

(6)صاحبك يوم يحتاج لي قربك
خليك جنبو كمن عينيك


♥♥ ♥♥ ♥♥

(7)نادر جد في الزمن القاسي
تلقى صديق ما يغدر بيك


♥♥ ♥♥ ♥♥
(8)يوم يغشاك تلقاهو معاتب
أوعا تعاتب،ضمو عليك


♥♥ ♥♥ ♥♥

(9)أوعا تقوم وتفارق دربو
يمكن غلطة تبشتن بيك


♥♥ ♥♥ ♥♥

(10)بدور أوصيك في الرحم الغالي
وربك وصى وصالو عليك

♥♥ ♥♥ ♥♥

(11)واصل الزول الواجب وصلو
وحتى الشاهر سيفو عليك

♥♥ ♥♥ ♥♥

(12)بتلقى الدنيا معاكا جميلة
وباكر ناسك يفرحو بيك
وباكر ناسك يفرحو بيك.


ديوان / الزبرماوي

♥♥ ♥♥ ♥♥